मुस्की अहाँक मारुक पूनम के चान सन
ठोरक अहाँक लाली चैती गुलाब सन
कनखी अहाँ जे मारी होबय एहन चुभन
मारल अहाँ नैनक भटकई छी रण बन
बैन अहाँक रुचिगर सुमधुर तान सन
सुनबा ला बोल व्याकुल छी सदिखन
केश अहाँक कारी मेघ सन सघन
छांह में एकरे कटैत रहय जीवन
यौवन अहाँक छलकैत शराब सन
मदमस्त भेल छी पिबि पिबि हम
संग पाबि अहाँक गमकल आँगन
चाह अछि यैह टा संग रही प्रीतम
राजीव रंजन मिश्र
२३.०६.२०१२
No comments:
Post a Comment